ഒന്നെന്റെ ചാരത്തിരുന്ന്
ഒത്തിരി ചിലത്
പറയായിരുന്നില്ലേ ,
എങ്കിലിന്നീ മൗനം
നമുക്കിടയിൽ
വരുമായിരുന്നില്ലല്ലോ...
ഒന്നെന്റെ വിരലിൽ
കോർത്ത് കുറച്ചു ദൂരം
നടക്കായിരുന്നില്ലേ...
എങ്കിലിന്നീ പരിഭവം
ഉണ്ടാവുമായിരുന്നില്ലല്ലോ....
ഒന്നെന്റെ ഉള്ള് തുറന്ന്
നോക്കാരുന്നില്ലേ...
എങ്കിലിന്നീ പടിയിറക്കം
ഒഴിവാക്കായിരുന്നല്ലോ...
കാലം കളി വിട്ട കളി
കളിച്ചപ്പോൾ തകർന്ന്
പോയത് രണ്ട്
ഹൃദയങ്ങളായിരുന്നു...
സക്കീർ കാവുംപുറം..
വാക പിന്നെ പൂത്തിട്ടില്ലിത് വരെ..
ഞാനാ വഴിക്കൊട്ടു പോയിട്ടുമില്ല..
നമ്മളിരുന്ന ആ തറയവർ
പൊളിച്ചുനീക്കിയത്രെ..
ഓർമകൾക്ക് എന്ത് സുഗന്ധമാണ്
അന്നെന്താണ് അത്രയോളം
നമ്മൾ പറഞ്ഞിരുന്നതൊക്കെയും
ഓർമയുണ്ടോ നിനക്ക്....
നിന്റെ പൊട്ടിച്ചിരി കേട്ടിട്ടാണ്
വാക പൂക്കൾ കൊഴിച്ചത്.....
താഴെ വീണ പൂക്കൾ നോക്കി
നീ പറഞ്ഞിരുന്നു നമുടെ പ്രണയത്തെ
ഇങ്ങനെ താഴേക്കിടരുതെന്ന്.....
ഞാനതും കേട്ടൊരു ചിരിയും
സമ്മാനിച്ചിരുന്നപ്പോ
നീ പറഞ്ഞതെന്താണ്....
കൈയ്യിൽ അമർത്തി പിടിച്ചു
നീ പറഞ്ഞില്ലേ ഞാൻ നിന്റേതാണ്
നിനക്ക് മാത്രമുള്ളതാണെന്ന്......
എന്നിട്ടുമെന്തേ യാത്ര പോലും
പറയാതെ മരിക്കാത്ത
കുറെ ഓർമകൾ മാത്രം
ബാക്കി വെച്ച് നീ പോയത് ...
സക്കീർ കാവുംപുറം...
