ഇന്ത്യ എന്റെ രാജ്യം

ഇന്ത്യ എന്റെ രാജ്യമാണെന്ന്
കുഞ്ഞുനാളിലെ ഉമ്മൂമ്മ പറഞ്ഞു തന്നു...
എല്ലാരും സഹോദരി സഹോദരന്മാർ ആണെന്ന്
സ്‌കൂളിലെ അസംബ്ലിയും ചൊല്ലി തന്നു...
പിന്നെ സന്തോഷ്മാഷ് വന്നു ചരിത്രം പറഞ്ഞപ്പോൾ ഗാന്ധിയും മൗലാന അബ്ദുൽ കലാം ആസാദും
ഭഗത് സിംഗും മനസ്സിൽ ധൈര്യത്തിന്റെ 
വിത്തുകൾ പാകി....
ഗീതയും ബൈബിളും ഖുർഹാനും 
ഫ്രെയിം ചെയ്തു വെച്ച ബസിലെ ഡ്രൈവറും പലതുംപറയാതെ പറഞ്ഞു തന്നു....
ഉത്സവങ്ങളിലേക്കും നേർച്ചകൾക്കും
ഞങ്ങളൊരുമിച്ചാണ് പോയി പോയിരുന്നത്....
ഇന്ന് അവനെനോട് പറയുന്നു നേർച്ചയില്ലെങ്കിൽ
ഞാനവനോട് പറഞ്ഞു ഉത്സവങ്ങളില്ലെങ്കിൽ
നമ്മളൊരുമിച്ചില്ലെങ്കിൽ പിന്നെ ഈ നാടെന്തിന്...

സക്കീർ കാവുംപുറം...